Лениний музейн үзмэрийг шалгахад эрүүгийн хэрэг үүсгэжээ
Улсын мөрдөн байцаах газар, Эрүүгийн цагдаагийн газрын хамтарсан ажлын хэсэг Лениний музейн үзмэрийн асуудалд эрүүгийн хэрэг үүсгэн шалгаж байна. Тодруулбал, Лениний музейн барилга болон үзмэрийг ашиглагч талаас одоог хүртэл хүлээлгэж өгөхгүй байгаа учраас музейн үзмэр алдагдсан байж болох таамгийг Соёл, спорт, аялал жуулчлалын яам, Төрийн өмчийн хорооноос дэвшүүлж ийнхүү цагдаа, хяналтын байгууллагад хандаад 11 хонож буй аж.Сануулахад, албаныхан энэ оны нэгдүгээр сард гарсан Засгийн газрын тогтоолыг үндэслэн Лениний музейг ашиглагч тал болох МАН-д музейн барилга, үзмэрийг яаралтай хүлээлгэж өгөх тухай албан бичгийг удаа дараа хүргүүлсэн ч тодорхой хариу өгөөгүй юм. Тиймээс музейг зориулалт ёсоор ашиглахын тулд зөвхөн албан бичиг илгээж, хүлээлгэж өгөхийг хүлээх бус, хууль эрх зүйн талаас арга хэмжээ авч ажиллахыг Соёл, спорт, аялал жуулчлалын яамнаас мэдээллээ.
У.БОЛОР
0 comments:
Post a Comment