"Дуу бүтээгч үндэсний төв"-ийн гишүүд болох рок поп, хип хоп урлагийн төлөөлөгчид өнөөдөр дуучин Ш.Батбаярын талаар 12.30 цагт "Үндэсний мэдээллийн төв"-д мэдээлэл хийхээр болжээ. Тодруулбал, МУГЖ Т.Ариунаа, "Сүнс" хамтлагийн ахлагч Б.Лхагвасүрэн, Өөжгий, реппер Gee, New star студийн захирал Л.Энхмандах нар дуучин андынхаа биеийн байдлын талаар мэдээлэл хийх юм байна."Дуу бүтээгч үндэсний төв"-ийн гишүүд өчигдөр дуучин Ш.Батбаяр буюу Бааварыг эргэж, эмчилгээнд нь хандив өргөсөн юм.
Дашрамд, Баавар нь "Дуу бүтээгч үндэсний төв"-ийн удирдах зөвлөлийн гишүүнээр ажилладаг юм байна. Тэрээр шүүхийг үл хүндэтгэсэн гэх үндэслэлээр Цагдан хорих 461 дүгээр ангид хоригдож байх үедээ өрөөндөө учир битүүлгээр түлэгдэж Түлэнхийн төвд эмчлүүлэгдэж байгаа.
Д.ЖАРГАЛ
0 comments:
Post a Comment