"Дээлтэй Монгол" наадам ирэх бямба гаригт болно
Монголчуудын уламжлалт соёл, түүний дотор үндэстэн, ястны дээл хувцас, эдлэл хэрэглэл, ардын урлагийг биет бус өвийг сурталчлан таниулах, түгээн дэлгэрүүлэх зорилготой "Дээлтэй Монгол-2013" наадам өнгөрөгч бямба гаригт /07.13/ болох байсан ч цаг агаарын байдлаас шалтгаалан хойшилсон. Тухайн өдөр бороотой байсан тул зохион байгуулагчдын зүгээс наадмын товыг хойшлуулж, ирэх бямба гаригт буюу энэ сарын 20-нд Сүхбаатарын талбайд зохион байгуулахаар болжээ.
"Дээлтэй Монгол-2013"-аас хамгийн сайхан үндэсний дээл, хувцастай хүүхэд, нийтийн бүжгийн шилдэг хос, хамгийн сайхан дээлтэй хос, хамт олноороо идэвхтэй оролцсон байгууллагад, монгол үндэсний дээлтэй гадаадын шилдэг оролцогчийг нарыг шалгаруулах юм.
Г.ДАША
0 comments:
Post a Comment