Сэжигтэн амиа хорлосон байж болзошгүй

Сэжигтэн амиа хорлосон байж болзошгүй

37 минутын өмнө

Дархан-Уул аймагт нэг гэр бүлийн дөрвөн хүний амь насыг хөнөөсөн ноцтой хэрэг энэ сарын 25-нд буюу өнгөрсөн бямба гаригт гарсан билээ. Хэргийн талаар зарим эх сурвалжууд "Амь насаа алдсан дөрвөн хохирогчийн хоёр нь дунд сургуулийн сурагч хүүхдүүд байсан. Тэдний нэг нь зургаан настай бол нөгөө нь аравдугаар ангид суралцдөг байсан. Харин хэрэгтэн гэр бүлийн дөрвөн хүний амь насанд хүрснийхээ дараа амиа егүүтгэсэн байдалтайгаар олдсон" гэж мэдээлж байна.

Энэ мэдээллийг Дархан-Уул аймгийн цагдаагийн хэлтсийн эх сурвалжаас тодруулахад "Гэмт хэрэгтнийг амиа хорлосон эсэхийг одоогоор яаран мэдээлэх боломжгүй. Хэрэгт хамтарсан ажлын хэсэг гарч мөрдөн байцаалт үргэлжилж байна. Хэрэг тодорхой болсон цагт мэдээлэл өгнө" гэв.

Д.ЖАРГАЛ

Энэ мэдээ танд таалагдаж байвал LIKE хийгээрэй. Танд баярлалаа.

Манай сайт танд таалагдаж байвал LIKE хийгээрэй. Танд баярлалаа.