Наурыз айсуй

Казахын уламжлалт баяр наурыз гуравдугаар сарын 22-ны өдөр тохионо. Наурыз буюу хаврын  баярыг тохиолдуулан маргааш Баян-Өлгийчүүд  Сүхбаатарын талбайд баярын өдөрлөг хийхээр болжээ. Казах үндэсний таван эсгий гэр барьж, Баян-Өлгий аймгаас авчирсaн орон нутгийг судлах музейн үзмэрүүдээ дэлгэн нийслэлийнхэнд сонирхуулахын дээр уран гартнууд нь казахын гар урлал, дурсгалын зүйлсийн үзэсгэлэн худалдааг гаргах ажээ. Баян-Өлгий аймгаас ирсэн оролцогчдыг Баян-Өлгий аймгийн Ажил олгогч эздийн холбооны тэргүүн М.Мейрамбек ахалж иржээ.

Өдөрлөг өглөөний 10 цагаас эхлэх бөгөөд өдөрлөгийн нээлтэд Ерөнхий сайд Н.Алтанхуяаг, УИХ-ын гишүүн, Төрийн байгуулалтын байнгын хорооны дарга, Баян-Өлгий аймгийн нутгийн зөвлөлийн дарга А.Бакей нар оролцох юм байна. Мөн Ерөнхийлөгч Ц.Элбэгдорж 14.00-14.30 цагт үзэсгэлэнг сонирхоно.

Харин өдрийн 15 цагт Тусгаар тогтнолын ордонд "Наурыз-2013" хүндэтгэлийн тоглолт болох ажээ. Тоглолтод МУГЖ С.Батсүх, Г.Батбаяр, Д.Ширмэнтуяа, Л.Чаминчулуун болон "Болор цом"-ын эзэн, яруу найрагч Ж.Мөнхбат, СТА Л.Байзада, Л.Нурбулан нарын олон уран бүтээлчид оролцох юм.

Д.ЦЭЦ