Хүн амын тооллогын олон улсын 26-р бага хурал "Blue Sky" цамхгийн "Болор" танхимд өнөөдөр үргэлжилж байна. Бага хуралд 12 орон, олон улсын судалгааны хоёр байгууллагын нийт 35 төлөөлөгч оролцож буй бөгөөд нээлт өчигдөр болсон юм. Нээлтэд УИХ-ын дарга З.Энхболдын илгээлтийг УИХ-ын даргын зөвлөх С.Ламбаа уншиж танилцуулж, УИХ-ын гишүүн, НББСШУ-ны байнгын хорооны дарга З.Баянсэлэнгэ, Хүн амын хөгжил, нийгмийн хамгааллын дэд сайд Э.Тамир, НҮБ-ын Нүн амын сангийн шадар суурин төлөөлөгч Ч.Оюунцэцэг, Ази, Америк, Номхон далайн орнуудын үндэсний тооллого, статистикийн байгууллагын дарга нарын нийгэмлэгийн Ерөнхийлөгч Франк Витрано, ҮСХ-ны дэд дарга Б.Эрдэнэсүрэн нар үг хэлсэн.Хүн амын тооллогын олон улсын бага хурлаар Хүн ам, орон сууцны 2010 он орчмын тооллогын дэлхийн хөтөлбөрийн үнэлгээтэй танилцахаас гадна хүн ам, орон сууцны 2010 он орчмын тооллогын туршлага, тооллогын дүн шинжилгээ, мэдээллийн хэрэглээ, мэдээлэл тархаалт, тооллогод шинэ технологи ашиглаж буй болон тооллогын туршлага, анхаарах асуудлууд гэсэн үндсэн зургаан сэдвээр салбар хуралдаан болж байна.
Монгол Улсын Их Хурлын НББСШУ-ны байнгын хорооны дарга З.Баянсэлэнгэ хурлын үеэр "улс орны хөгжлийн чиг хандлагыг тодорхойлох, хэрэглэгчдийн өсөн нэмэгдэж буй мэдээллийн хэрэгцээ шаардлагыг найдвартай хангаж, хүн амын өсөлт, эдийн засаг, нийгмийн үзэгдлүүдийн өөрчлөлтийг бодитой мэдэрч цаг тухайд нь тусгадаг байхад статистикийн байгууллагын үүрэг, хариуцлага улам бүр өсөн нэмэгдэж байна. Улс орнуудад хүн амын талаар дэлгэрэнгүй мэдээлэл цуглуулах, боловсруулах, дүн шинжилгээ хийх болон тархаах чадавхийг бэхжүүлэхэд нь чиглэсэн санал санаачлагуудыг хэрэгжүүлэхэд энд хуран цугларсан та бүхний хүчин чармайлт ихээхэн чухал байх болно" хэмээн онцолсон юм.
У.БОЛОР
0 comments:
Post a Comment