Боловсролын үзэсгэлэн яармаг нээлтээ хийлээ

Боловсролын үзэсгэлэн яармаг нээлтээ хийлээ

"Олон улсын боловсролын үзэсгэлэн яармаг" өнөөдөр "Чингис хаан" зочид буудалд нээгдлээ. Жил бүрийн хавар, намар оюутан, сурагчдад зориулан уг үзэсгэлэн, яармагийг уламжлал болгон зохион байгуулах болсон. Энэ жил 14 дэх удаагаа зохион байгуулагдаж байгаа үзэсгэлэн, яармаг амралтын өдрүүдэд 11.00-18.00 цагийн хооронд үргэлжилнэ.

Яармагийн зорилго нь Монголын оюутан залуучуудын боловсролыг дээшлүүлэх, тэднийг эх оронч ухамсарт иргэд болон төлөвших мөн дэлхийн боловсролоос эзэмших, мэргэжил дээшлүүлэхэд оршиж байна. Мөн боловсролын үзэсгэлэнгийн онцлог нь элсэн суралцахыг хүсч буй иргэн бүрт ямар ч дундын зуучлалгүйгээр суралцахыг хүссэн сургуультайгаа холбогдож, чанартай боловсролыг хамгийн хямд зардлаар олж авах боломжийг олгох аж.

Хоёр өдөр үргэлжлэх үзэсгэлэнд дэлхийн шилдэг 500 гаруй их сургуулиудын жагсаалтанд багтдаг АНУ, Австрали, Англи, Канад, Сингапур, БНСУ, Япон зэрэг  улсуудын 50 орчим их, дээд сургуулийн Монгол дахь зөвлөл, албан ёсны түншүүд оролцоно.

Дашрамд дурдахад энэ жил улсын хэмжээнд ЕБС-ийг 39667 хүүхэд төгсөх аж. Түүнчлэн элсэлтийн ерөнхий шалгалтын бүртгэл ирэх даваа гарагт дуусна.

Г.ДАША