Чингэлтэйчүүд ажил танилцуулах өдөрлөгөө зохион байгуулав

Чингэлтэйчүүд ажил танилцуулах өдөрлөгөө зохион байгуулав

Чингэлтэй дүүргийн Биеийн тамир, спортын хорооноос "Спорт-Эв нэгдэл-Чингэлтэйчүүд" сэдэвт ажлаа танилцуулах өдөрлөгөө Тусгаар тогтнолын талбайд зохион байгууллаа. Өдөрлөгийн нээлтэнд дүүргийн ЗДТГ-ын дарга Д.Мөнхбат болон Нийслэл, дүүргийн Биеийн тамир, спортын газар, хороодын удирдлагууд оролцов. Шилдэг тамирчдын жагсаалаар эхэлсэн арга хэмжээ дүүргийн Засаг даргын дэргэдэх өсвөрийн шигшээ багийнхны тоглолт, ахмадуудын хийн дасгалаар үргэлжилж, урлагийн тоглолт халааг нь авлаа. Мөн гурвын эсрэг гурав сагсан бөмбөгийн тэмцээн, ширээний теннис, өндрийн харайлт, хөл бөмбөгийн ур чадварын үзүүлбэр, хөгжлийн бэрхшээлтэй иргэдийн дунд дартсын тэмцээнүүд болж, дүүргийн спорт хороо үйл ажиллагаагаа иргэд, олон нийтэд танилцуулж, хэвлэл мэдээллийн хэрэгслүүдээр сурталчиллаа.

Тэмцээний дүнг танилцуулбал:

Гурвын эсрэг гурав сагсан бөмбөгийн тэмцээнд:

1-р байр. 5-р сургуулийн баг
2-р байр.117-р сургуулийн баг
3-р байр. 57-р сургуулийн баг

Ширээний теннисний тэмцээнд:

Эрэгтэй: 1-р байр. Намжилдорж            Эмэгтэй:  Бэхбат
                 2-р байр. Намсрай                              Очмаа
                 3-р байр. Эрхэмбаяр                           Бүжидмаа

 Өндрийн харайлтын тэмцээнд:

 1-р байр. Энхболд /5-р сургууль/
 2-р байр. Ерөөлт /72-р сургууль/
 3-р байр. Мөнхтуслах /72-р сургууль/

Хөлбөмбөгийн ур чадварын үзүүлбэрт:

1-р байр. Алтангэрэл /24-р сургууль/
2-р байр. Батбаатар /5-р сургууль/
3-р байр. Энхээ /24-р сургууль/

Хөгжлийн бэрхшээлтэй иргэдийн дартсын тэмцээнд:

1-р байр. Амгаланбаяр
2-р байр. Батцоож

3-р байр. Энх-Амгалан нар шалгарч өргөмжлөл, мөнгөн шагналаар шагнагдсан байна. Мөн энэ өдөр Нийслэлийн Биеийн тамир, спортын газрын удирдах ажилтны шуурхай зөвлөгөөн боллоо гэж Нийслэлийн Биеийн тамир, спортын газраас мэдээллээ.