Улаанбаатарт 15 хэм дулаан байна

Өнөөдөр ихэнх нутгаар дулаарах тул шар усны үерийн аюулаас сэрэмжтэй байхыг анхааруулж байна.

Нутгийн төв хэсгээр багавтар, бусад нутгаар солигдмол үүлтэй. Хур тунадас орохгүй. Салхи баруун өмнөөс секундэд  5-10 метр. Халх голын сав газраар 6-11 градус, Дархадын хотгор, Идэр, Тэс, Туул, Тэрэлж голын сав газар болон зүүн зүгийн нутгаар 11-16 градус, Их нууруудын хотгор болон Алтайн өвөр говиор 21-26 градус, говийн нутгийн өмнөд хэсгээр 19-24 градус, бусад нутгаар 16-21 градус дулаан байна.

УЛААНБААТАР ХОТ: Багавтар үүлтэй. Хур тунадас орохгүй. Салхи баруун өмнөөс секундэд 5-10 метр. 14-16 градус дулаан байна.

Өглөө 05 цагт Улаанбаатарт: 1 градус хүйтэн, харьцангуй чийг 62 хувь, агаарын даралт 870 гектопаскаль байлаа. Даралт өдөртөө тогтвортой байна.

2013 оны 4 дүгээр сарын 26-наас 4 дүгээр сарын 30-ныг хүртэлх
цаг агаарын урьдчилсан төлөв

26-нд баруун зүгийн нутгийн баруун хэсгээр, 27-нд зарим газраар, 28, 29-нд зүүн зүгийн нутгаар хур тунадас орно. Салхи 27-нд зарим газраар, 28, 29-нд зүүн зүгийн нутгаар секундэд түр зуур 16-18 метр хүрч шороон болон цасан шуурга шуурна. Дархадын хотгор, Идэр, Тэс, Халх голын саваар шөнөдөө 0-5 градус, өдөртөө 11-16 градус, Их нууруудын хотгор болон говийн бүс нутгаар шөнөдөө 6-11 градус, өдөртөө 21-26 градус, бусад нутгаар шөнөдөө 3-8 градус, өдөртөө 16-21 градус дулаан байна. 27, 28-нд ихэнх нутгаар сэрүүхэн байна.

Эх сурвалж: www.tsag-agaar.mn