“Юнигаз” ХХК-ийн тусгай зөвшөөрлийг хүчингүй болгох уу?

"Юнигаз" ХХК-ийн тусгай зөвшөөрлийг хүчингүй болгох уу?

Шударга өрсөлдөөн, хэрэглэгчийн төлөө газраас "Юнигаз" ХХК-ийг газын үнийг энэ сарын 10-ны дотор бууруулахгүй бол үйл ажиллагаа явуулах тусгай зөвшөөрлийг нь хүчингүй болгох саналыг холбогдох газруудад тавих хүртэл захиргааны шийтгэл ногдуулах арга хэмжээ авахаар болжээ. Авто газрын үнийг бууруулсан эсэхийг "Юнигаз" ХХК-ийн эх сурвалжаас тодруулахад "Өнөөдрийн байдлаар газын үнийг бууруулаагүй. Ирэх долоо хоногт буулгана гэж төлөвлөж байгаа" гэв.

Автомашины шингэрүүлсэн нефтийн хийн бүтээгдэхүүнд нэмэгдсэн өртгийн албан татвар ногдуулдаг болсонтой холбогдуулан жижиглэн худалдаалах авто газын үнийг компаниуд нэмсэн. Тус агентлагаас энэ асуудлыг Уул уурхайн яам, холбогдох бусад газруудтай хамтран Засгийн газарт тавьж, уг бүтээгдэхүүнд ногдуулсан нэмэгдсэн өртгийн албан татварыг чөлөөлөх шийдвэрийг шуурхай хөөцөлдөн гаргуулснаар авто газын жижиглэнгийн үнэ нэмэгдэх үндэслэлгүй болсон юм.

Энэ сарын 01-нээс эхлэн "Юнигаз" ХХК нь авто газын жижиглэнгийн үнийг урьдын хэмжээнд болгон бууруулаагүй байгаа аж.

Д.ЖАРГАЛ