"Сод Монгол" групп оюутны тэтгэлэгт хөтөлбөр зарлалаа

"Сод Монгол" групп оюутны тэтгэлэгт хөтөлбөр зарлалаа

СОД МОНГОЛ ГРУППЫН ОЮУТНЫГ ИВЭЭН ТЭТГЭХ ХӨТӨЛБӨР

СОД МОНГОЛ Групп-ээс 2013-2014 оны хичээлийн жилд оюутныг ивээн тэтгэх хөтөлбөр-ийн Зорилго:

Өөрийн мэдлэг боловсролоо дайчлан сайн мэргэжилтэн болох чин хүсэлтэй, одоо сурч байгаа мэргэжлээрээ анги, салбартаа тэргүүний, манлайлагч шилдэг оюутнуудыг дэмжин тогтвортой ажлын байраар хангана.

Тэтгэлгийн хэмжээ, хамрагдах оюутны тоо:

• Нийт 35 оюутныг сонгон шалгаруулна.

№	Сургуулийн нэр	Мэргэжил
1	ШУТИС	Нефтийн инженер
2		Барилгын инженер
3		Цахилгааны инженер
4		Сантехникийн инженер
5		Сүлжээний инженер
6		Хүний нөөцийн менежер
7	МУИС-ийн ОУХС	Гадаад харилцааны менежер
8	МУИС-ийн ЭЗИС	Бизнес удирдлагын анги
9	СЭЗДС	Нягтлан бодогч
10		Бизнесийн удирдлагын анги
11	Мандах ДС	Нягтлан бодогч
12	ХААИС-ийн ЭЗИС	Санхүүгийн менежер
13		Санхүүгийн шинжээч
14		Нягтлан бодогч
15	Монгол бизнес ДС	Эдийн засагч
	Нийт

• 1 жилийн сургалтын төлбөрийн 50-100 %-ийн мөнгөн тэтгэлэг олгоно.

Дадлагад шалгарснаар оюутан Танд дараах боломжууд бий болно. Үүнд:

• СОД МОНГОЛ Группын харьяа компанид мэргэжлийн дадлага хийх боломж
• 4-р курсийн сургалтын төлбөр 50-100 хувийн мөнгөн тэтгэлэгтэй.
• Их дээд сургуулиа төгсөөд тус группт ажиллана.

Тавигдах шаардлага:

• ШУТИС, МУИС-ийн ОУХСургууль, СЭЗДС, Мандах бүртгэл ДС, ХААИС-ийн ЭЗИС, КТМС болон Монгол бизнес ДС зэрэг сургуулиудын 3-р курс төгсөх оюутан байх
• Тухайн мэргэжлээр өдрийн ангийн оюутан байх
• Сурлагын голч дүн /GPA/ 3.0 (онооны систем 85%) ба түүнээс дээш байх
• Нийгэм, сайн үйлсийн ажилд манлайлан оролцдог, урлаг гоо зүй, уран зохиол, сэтгүүл зүй, спорт бизнесийн аль нэг төрлөөр амжилт гаргасан байх.
• Ямар нэгэн гадаад хэлний дундаас дээш төвшний мэдлэгтэй байх. 
• Сургуулиа төгсөөд цаашид тус компанид тогтвор суурьшилтай ажиллах.
• Орон нутагт томилолтоор ажиллах боломжтой байх.

Хөтөлбөрийн сонгон шалгаруулалт, хугацаа:

№	Шалгаруулалтын үе шат	Хугацаа	Сонгон шалгаруулалт
1	Ярилцлага хийх	5 сарын 01-10	Хөтөлбөрт хамрагдах хүсэлтэй оюутнуудыг бүртгэн анхан шатны ярилцлага хийнэ.
2	Хөтөлбөрт хамрагдах өргөдөл хүлээн авах, анкет, бичиг баримт бүрдүүлэлт	5 сарын 10-15	Материалыг төв оффист хүлээн авч, хөтөлбөрийн тавигдах шаардлагын дагуу шалгаруулалт хийнэ.
3	Сонгон шалгаруулалтын чадварын тест	5 сарын 17	Хөтөлбөрийн тавигдах шаардлагыг хангасан оюутнуудаас мэдлэг шалгах тестийн шалгалт авна.
4	Мэргэжлийн дадлага хийлгэх	6-7 сард	Мэргэжлийн дадлага хийлгэж, явцыг Албаны дарга нар дүгнэнэ.
5	Тэтгэлэгт хамрагдах оюутныг сонгон шалгаруулах	8 сард	25-32 оюутныг сонгон шалгаруулна.
6	Тэтгэлэг гардуулах ёслол	8 сарын 20	Шалгарсан оюутнуудад сургалтын тэтгэлэг гардуулна.

Та хэрхэн бүртгүүлэх вэ?

Тэтгэлэг хүсч буй оюутан Сод Монгол Группын төв оффис болох Соёлын Төв Өргөөний "В" корпуст дараах материалтай ирнэ.

• Цээж зураг
• Сурлагын голч дүнгийн хуулбар
• Иргэний үнэмлэхний хуулбар
• Сургуулийн тодорхойлолт

Хүний Нөөцийн алба
Харилцах утасны дугаар: 327811, 96559798